Enquisa HostaleríaDigna

Laboral

Novas de caracter laboral

Continúa o conflito contra Domino's Pizza en Vigo

Enfrontámonos contra unha multinacional que, cos seus miles de millóns de euros anuais de beneficios, non dubida en empregar burdas artimañas para despedir aos traballadores sen ter que pagarlles a indemnización. Pero esta vez deron cun óso duro de roer, porque a CNT non cala e responde coa acción.

A CNT-AIT de Vigo inicia conflito contra Domino's Pizza

O pasado 12 de marzo Domino's Pizza (vellos coñecidos da CNT e a AIT), empresa pertencente no Estado español ao Grupo Zena (líder do sector de comida lixo con empresas coma Burger King, Foster's Hollywood...) despedía sen máis, mediante un burofax, a Emilio, compañeiro de CNT-AIT Vigo, despois de 9 anos traballando para estes explotadores no local que teñen na Praza da Independencia en Vigo, acusándoo do roubo de 35€, obviamente falso, só para non ter que pagarlle a indemnización, téndoo presionado antes para que se fose de xeito voluntario, como (que casualidade!) fixeron co traballador que desempeñaba a súa mesma función no turno de mañá presionándoo para que marchase da empresa sen ningún tipo de indemnización, cousa que agora si ocorreu neste caso.

Unión e loita contra os despedimentos no CELGA

cnt cut steg celga

Este martes 25 de Marzo a CNT, a CUT e o STEG concentrabamonos nas portas de Política Lingüística para denunciar o despedimento da totalidade do profesorado que impartía os cursos do CELGA por parte da Consellaria de educación. Este despedimento, realizado pola supresión das listaxes de selección e a obriga por parte da Xunta de realizar os cursos mediante horas extraordinarias do profesorado de secundária e das EOI, levou-se a cabo despois dunha resolución da ITSS sobre o fraude na contratación deste profesorado. A resolución resultou favorábel ao profesorado denunciante e supuxo unha sanción de 200.000 euros para a Xunta.

Victoria no conflito fronte a El Chivito

Dicía moi ufano o xefe destes establecementos de bocadillos que na hostalería hai moito negreiro solto, que non todos os hosteleiros son iguais, que aquí pagan xustos por pecadores e que el mantén un negocio case na ruína porque hai familias que soster.

A Consellería quere facer uso do profesorado como esquirol contra os dereitos das persoas que impartían os CELGA

En datas recentes, as Inspeccións de Traballo de Coruña e Ourense sancionaron a Consellería de Educación da Xunta de Galicia por non recoñecer a relación contractual que existía entre a Administración e as persoas (perto de 500) que viñan impartindo a docencia dos cursos de galego CELGA e non telas dadas de alta na Seguridade Social.

Como resposta a esa lóxica e xusta resolución das Inspeccións de Traballo, a Secretaría Xeral de Política Lingüística da Consellería do Sr. Jesús Vázquez toma agora a decisión de prescindir da totalidade de persoas que viñeran prestando os seus servizos como docentes dos cursos CELGA e pasar a ofertar a impartición deses cursos ao profesorado de Lingua Galega que exerce nos centros educativos de secundaria, coa consideración de “horas extras” e cunha remuneración económica que rolda os 2.500 euros.

A CNT de Ferrol participara nas marchas da dignidade en Madrid

A CNT de Ferrol participara nas marchas da dignidade en Madrid

Continúan as concentracións para exixir os pagos adebedados por Touceda Barreiro

Unha vez máis un piquete da CNT concentrou-se no mercado da localidade da Estrada para exixir os pagos que a empresa de madeira Hermanos Touceda Barreiro adebeda a un compañeiro desta central sindical. Esta débeda consiste na indemnización polo despedimento tras o feche non xustificado da empresa e os salarios correspondentes aos meses de Xullo, Agosto e Setembro.

Curso básico de dereito laboral

12/03/2014 20:00
13/03/2014 21:30

Os vindeiros dias 12 e 13 de Marzo, a CNT de Compostela ten programado un curso sobre dereito laboral básico, aberto a toda persoa interesada. O curso será impartido polo ex-secretario de acción sindical da CNT de Compostela, Brais Pérez Goméz, e proponse achegar ás persoas asistentes coñecementos sobre aqueles conceptos básicos sobre a lexislación laboral e de seguridade social que lles permitan actuar rapidamente ante unha situación urxente ou como responder ante as máis comúns problemáticas que se poden dar durante o transcurso dunha relación laboral.

O programa é o seguinte: