Enquisa HostaleríaDigna

Laboral

Novas de caracter laboral

Construcciones Troiteiro explota e despide

A empresa de construcción radicada en Arzúa Construcciones Troiteiro destaca como un exemplo paradigmático da explotación laboral que impera no sector da construcción. Nesta empresa os traballadores desfrutan apenas de cinco días de vacacións ao ano, cobran por debaixo do estipulado por convenio e non se respetan as categorías laborais, realizan horas extraordinarias de maneira sistemática e sen remunerar, non reciben as EPI obrigatias para desempeñar o seu traballo con seguridade e sen perigo para a súa integridade física. E cando os traballadores reclaman o mínimo que sinala a lei a reacción do empresario é o despido fulminante.

Comunicado da CNT de Ferrol en solidariedade coa plantilla do Diario de Ferrol

Ante a situación dada a coñecer polos traballadores do Diario de Ferrol facemos un chamamento urxente en apoio á súa situación. Hoxe venres 19 farase unha concentración na praza de Armas ás 11:30.

Victor Campos vai entrando en razón

Recentemente informabamos do conflito sindical que a CNT iniciaba coa carpintería Víctor Campos, situada no polígono do Tambre. O conflito iniciouse pola vontade dun traballador da empresa de reclamar o cese de realización de horas extraordinarias, o pagamento das realizadas ao longo do 2014, a regularización salarial conforme a convenio, e o desfrute das vacacións deste ano.

Coremain recoñece a maior parte das demandas da CNT

No mes de Outubro a CNT demandaba a Zemsania e Coremain por cesión ilegal de traballadores, reclamando desta maneira a conversión en traballador indefinido en Coremain dun compañeiro que prestaba servizos en Zemsania cun contrato de obra. Finalmente, Coremain aceptou as demandas da CNT e formalizou a contratación de maneira indefinida deste compañeiro en Coremain, o que significa un recoñecemento tácito da existencia da cesión ilegal, práctica común de contratación levada a cabo por estas empresas para manter en situación de precariedade aos seus traballadores e traballadoras.

Remata o conflicto con Cándido Hermida

O Sindicato de Oficios Varios da CNT de Ferrol mantivo conflicto coa empresa Cándido Hermida, chegando a un acordo satisfactorio para a traballadora no SMAC polo despido improcedente.

Marchas da diginidade 29-N. Nos Imos!!

 

Pan, Traballo, Teito... Dignidade - Xornadas de loita do 24 ao 29-N

As Marchas da Dignidade volvemos saír á rúa para gritar ben alto PAN, TRABALLO, TEITO... DIGNIDADE. Saímos á rúa porque nos atopamos ante unha situación extremadamente difícil, unha situación límite, de urxencia social, que nos convoca a dar unha resposta colectiva e masiva da clase traballadora, a mayoria social e os pobos.

Millóns de traballadores e traballadoras atópanse sen emprego. Centos de miles de familias perderon a súa casa. Gran parte da mocidade vese abocada a buscarse a vida no estranxeiro. Ás mulleres quérennos quitar o noso dereito a decidir sobre os nosos corpos. Aos pobos néganselles o dereito a decidir. Seguen recortando en saúde, educación, dependencia, etc... enganaron aos nosos maiores coa estáfa bancaria das preferentes. Estamos asistindo ao roubo de dereitos e ao empobrecimiento xeneralizado da maioría social e todo en nome do pago dunha débeda ilexítima e odiosa que non contraeron os cidadáns e cidadás.

Pronunciamento do Consello de Informativos sobre a queixa en canto o "mal uso" do Galego

cnt rtve galiaDende esta Sección Sindical queremos denunciar o “abandono forzado” do servizo público que temos que prestar dende a CRTVE. Este abandono estase levando a cabo en contra da vontade das/os traballadoras/es.
As últimas decisións tomadas por parte de distintas Direccións da CRTVE están tratando de valeirar a Empresa do seu contido como Servizo Público. Xa denunciamos no seu día o trato que se lle da o Galego (http://cntrtvegalicia.blogspot.com.es/2014/09/na-defensa-do-uso-do-galego-nos-medios.html) presentando unha queixa formal ó Consello de Informativos que na acta da súa última xuntanza ven de dar a razón a CNT.

CNT inicia conflito co bar Espino

cnt bar espino

Desde a CNT de Compostela voltamos á carga coa hostelería da cidade. Neste caso o conflicto é co bar "Espino", situado na rúa Galeras.

O impresentable do empresario dono deste local, despois de ter a un compañeiro facendo xornadas de 60-70 horas semanais, cunhas vacacións de 10 días nun ano, e contratado por debaixo da súa categoría, despídeo no momento no que o traballador manda un escrito pedindo que se respeten os seus dereitos.

Ante as irregularidades na contratación en Zemsania e Coremain

Recentemente a CNT ven de demandar ás empresas Zemsania e Coremain por cesión ilegal de traballadores e por fraude na contratación.

A maior parte dos contratos que realizan estas empresas supoñen unha vulneración dos nosos dereitos laborais, pois estes acóllense á modalidade de contratos por obra ou servizo cando na realidade son contratos indefinidos. Os contratos de obra ou servizo só poden realizarse cando se trate de traballos concretos determinados con autonomía e substantividade propia dentro da actividade da empresa, polo que non poden realizarse para cubrir a actividade normal e permanente da empresa. Sen embargo nós realizamos traballos en diversos proxectos de maneira permanente. Polo tanto, estes contratos por obra ou servizo deben converterse en indefinidos.

Hermanos Touceda Barriero-Maderas condenada a indemnizar con 15.000€ a un militante da CNT

Hai meses informabamos da declaración da improcedencia do despido dun traballador afiliado a este sindicato efectuado pola empresa Hermanos Touceda Barriero-Maderas, situada na vila da Estrada. Para alén, a empresa de madeiras da Estrada vén de ser condenada ao pagamento dunha indemnización de 14.962,89 euros.