Lumes Nunca Máis (2006)

Fai tempo que tiñamos intención de escreber este artigo; con todo, íbamos demorando facé-lo pois, ainda que temos moita información, debido a investigacións exhaustivas, parecía-nos imposíbel ou, tambén, exaxerado o que chegaba até nosoutros.

Hoxe erguiamo-nos coa notícia de que a Serra do Caurel, unha das zonas de maior riqueza ecolóxica e ambiental da Galiza, levaba toda a noite a se queimar en diversos pontos.

Convocadas pola Plataforma Nunca Máis, a Plataforma contra os incéndios e a CNT, entre outras organizacións, 20.000 persoas manifestaron-se onte nas ruas de Compostela para facer visíbel a sua indignación ante a catástrofe meio-ambiental que devastou a Galiza nos primeiros dias de Agosto.

Perante a convocatória por parte da Plataforma Nunca Máis dunha manifestación baixo os lemas "GALIZA CONTRA O LUME", "Paremos o terrorismo incendiario" e "Por un cambio nas políticas para o noso monte" de CNT queremos manifestar:

Soben fumo e chamaradas até case tocar o ceo.

E aquí,

entre cinza e árbores calcinados,

o campo xeme doente

por como o trata o home anque come do seu pan.

Na mudanza que a nivel mundial se está a producir e que leva o nome de Neoliberalismo e Mundialización, este País non podía ficar fóra.

Coas suas particularidades, coa sua história, cos seus recursos. A queima incontrolada do monte en Galiza, os lumes terroristas que prenderon os catro pontos cardinais do País teñen unhas orixes diversas mais hai algo que non se nos escapa: hai intereses inmobiliarios. Haberá que seguir as pegadas dos grandes grupos construtores galegos e non tan galegos para ver en que remata a xogada incendiária.

Se ben hai meses recebemos a boa notícia de que este ano a Consellaría de Medio Rural da Xunta de Galiza ia invertir un maior orzamento para os traballos de prevención dos incéndios (37 millóns de euros dos 69 destinados á loita contra o lume) o certo é que este ano conta-se con menos meios que nunca para afrontar a temporada de incéndios.

Hoxe, día 11 de agosto de 2006, compañeiras experimentadas realizaron unha pescuda na Internet para localizar novas e informacións várias sobre os lumes que traen a ruina aos montes da Galiza. Como era lóxico, remataron acudindo á web da Consellaría de Medio Ambiente e Desenvolvemento Sostible na que un empoleirado Pachi Vázquez da a benvida, con pose institucional e aires napoleónicos.

Convocadas espontáneamente, aló menos duas mil persoas participaron nunha concentración e posterior manifestación para expresar a sua raiba, dor, tristeza, ante a vaga de incéndios que desde fai unha semana está a devastar a nosa terra.

Unha vez máis, un ano máis, asistimos con desesperación á queima descontrolada do monte na Galiza. Unha vez máis terroristas meio-ambientais levan a cabo un ecocídio que se repite constantemente na Nosa Terra. Os galegos e as galegas estamos fartos de ver como se destrue repetidamente este País en nome dos intereses do Capital galego e de fóra.