Manifesto pola Dignidade d@s Informátic@s

Compostela. 18 Novembro, 2008 - 13:27

Con motivo das mobilizacións de informátic@s previstas para este 19 de Novembro, desde a CNT de Compostela queremos POSICIONARNOS claramente sobre algúns dos temas candentes nestes últimos días.

Con este posicionamento non pretendemos desmobilizar a ninguén, senon invitarvos a tod@s a reflexionar e a loitar pola nosa dignidade de xeito claro e organizado, non ficando atrapados en pantallas de fume e afondando na raíz do problema.

Boloña e as titulacións informáticas

Desde a CNT estamos contra o Plano Boloña pola privatización que supón do ensino universitario. Así, desde xa fai un tempo até a actualidade [CNT contra Boloña], este sindicato ven denunciando e combatendo esta mercantilización do coñecemento que se concreta en medidas tan indesexables como: a eliminación de titulacións, aumento de taxas académicas, as novas hipotecas xuvenís “bolsa-prestamo” (todo un incentivo ao estudo), a imposición de posgraos de prezos desorbitados, e máis, máis, e máis.

A eliminación das titulacións propias de informática deixa en mans de cada universidade (e as súas empresas “colaboradoras”) a creación de títulos propios, co único criterio de produtividade inmediata de cada título. Así, pensamos que estas titulacións altamente especializadas, a base de posgraos e masters discriminatorios respecto @s estudantes/as de menos recursos, darán @s seus futur@s titulad@s unha menor flexibilidade no ámbito laboral.

Folga e mobilizacións do 19 N

En primeiro lugar, gustarianos felicitar ao grupo de informátic@s que convocou á folga (que non é tal folga) polo importante impacto acadado. Semella claro, polo de pronto, que existe unha gran preocupación no sector polas condicións laborais que sofren @s traballadores/as e que isto xera un gran apoio popular a calquer tipo de mobilización para esixir melloras... de ahí pode nacer o grande interese por esta “folga” do 19 N [Huelga informáticos ya!]... Pero realmente, cales son os motivos de estas mobilizacións?

Deixando de lado os falsos alarmismos de que os títulos non van valer para nada, que non serán convalidados,... provocados por algúns [Colexio Andalucia] xa desmentindos en numerosos sitios [Bolonia for dummis. Pto XX], analisando o manifesto da páxina convocante [huelgaInformatica.es] e as declaracións do Consello de Colexios de Enxeñeiros en Informática de España [Consello de Colexios], a Asociación Nacional de Estudantes de Enxeñerías e Enxeñerías Técnicas en Informática [RISTI], así como o dito nalgunha asemblea de facultade, cremos que realmente que o único que se demanda de xeito concreto é unha regulación para @s profesionais informátic@s.

Regulación, intrusismo e corporativismo

Entendemos por ter regulada a profesión de informática o poder controlar que tipo de profesionais poden desenvolver os traballos. Tarefa esta que sería realizada, directa ou indirectamente, polos Colexios profesionais informáticos. Con esta medida argumentan: “aseguraríase” que a xente non titulada como correspondera non puidese exercer determinados tipos de traballos informáticos, o que permitiría eliminar @s “intrus@s” da profesión e portanto conseguir unha maior calidade no software.

Nos pensamos que estes compañeir@s non titulad@s en Enxeñería Informática demostran día a día a súa valía nos seus postos de traballo (non tod@s claro, pero tampouco tod@s @s enxeñeir@s “superiores”) e que non existen razóns para discriminal@s do ascenso profesional e menos aínda de exercer a profesión, ou alguén se atrevería a calificar de intruso a Richard Stallman? [R. Stallman].

Nos, como sindicato, defendemos e defenderemos sempre @s traballadores/as, a tod@s, e criticaremos aquelas asociacións que busquen crear elites de titulad@s list@s e desprecien ao resto de compañeir@s chamándolles intrus@s, aficionad@s ou insinuando que valen menos, ou que nos quitan o traballo, postulado este último que recorda ás actitudes arredistas doutros colectivos profesionais.

Este corporativismo que xeran os Colexios profesionais non é nen bo nen útil para ninguén, só xera unha actitude monopolista e exclusivista ao estilo SGAE [R. Galli], cun único fin recaudatorio ao aplicar a tod@s a obriga de colexiarse para poder exercer a profesión.

E ademáis, podería levarse a cabo unha regulación no sector informático hoxe en día? o lóxico sería pensar que non podería realizarse unha “limpeza” d@s informátic@s non titulad@s en informática. Habería que regular dalgunha maneira @s milleiros de traballadores/as existentes nesta situación... senon fose así, como a Asociación de Técnicos en Informática [ATI] que agrupa a moit@s de est@s traballadores/as apoia a regulación? E non será xa que a regulación está xa pactada? E en definitiva, en que consiste a regulación pola que se protesta?

A calidade

A calidade é sen dúbida o principal argumento para soster a necesidade da regulación e portanto, a xustificación de que os enxeñeir@s “superiores” sexan exclusivamente os que poden firmar proxectos e da eliminación d@s informátic@s non titulados. Un proxecto levado por un “superior/a” garante a calidade... incríble pero certo, a titulación do persoal garante “matemáticamente (valga o intrusismo)” que o traballo que desenvolva é de calidade... @s que argumentan isto deberían revisar aquilo das P´s de R. Pressman [R. Pressman] ou algúns dos principios de calidade [Xestión da calidade]... e xa sen teorizar demasiado, tod@s sabemos como funciona a cousa na vida real, con proxectos a construír para onte, incluso en empresas que xa mercaron, perdón, implantaron un sistema de calidade.

A loita laboral

Desde a CNT-Compostela podemos dicir que somos bastante conscientes de como está a situación no mundo laboral, xa non só pola nosa propia realidade [Secc. Sindical Siega] senon polo contacto con múltiples compañeir@s de toda a xeografía española.

Sabemos que o habitual nas empresas é a explotación: a falta de recoñecemento das categorías, os baixos salarios, a ausencia de formación contínua, as xornadas maratonianas, as horas extras gratuítas, os contratos en precario, a subcontratación... Temos no mellor dos casos un convenio lamentable, o de Consultoría, cando non o do Metal ou o de Oficinas e Despachos ou incluso o de grandes armacéns... que contan con categorías profesionais que en nada se corresponden coa informática.

E ademais, @s informátic@s non estamos afeitos a protestar, preferimos o turismo laboral e así, seguindo a lóxica de non meterse en lios, imos de explotación en explotación... e @s que se meten en protestar e reclamar o que lles corresponde se lles fulmina inmediatamente.

Rematemos con todo isto, reclamemos dignidade, loitemos tod@s en verdadeira unidade por cousas concretas que realmente nos beneficien a tod@s os traballadores/as informátic@s. O convenio sería un bo obxectivo polo que protestar, pidamos melloras laborais, mellores salarios e menos horas de traballo.

O convenio de Consultoría

O convenio de Consultoría está a negociarse entre a patronal do sector, Asociación Española de Consultoría (AEC), e os sindicatos CCOO e UGT [Negociación Convenio Consultoría].

Este convenio prevee cambios profundos con respecto aos anteriores, incluíndo unha regulación a través dun sistema de certificacións: o EUCIP [Fundación EUCIP], no que participan CCOO e a ATI. Este sistema de certificacións permitirá acreditar as competencias no campo das TIC e regulará aos traballadores/as do sector [Informe Comfia, pxns 67 e 68]. Por suposto, estas certificacións supoñemos que serán postas en marcha a través do correspondente, e lucrativo, plano de formación contínua para o que a Fundación EUCIP ten licencia en exclusiva.

Desde a CNT esperamos que a inclusión do sistema de certificacións EUCIP no convenio por parte dos beneficiarios directos non teña consecuencias catastróficas na negociación das condicións laborais d@s profesionais informátic@s.

Polo de pronto, a día de hoxe, os sindicatos afirman que as negociacións están rotas e que haberá mobilizacións para presionar á patronal AEC [Negociacións rotas].

Nós estaremos pendentes, loitaremos por un convenio digno e non imos tolerar que ninguén venda e manipule aos traballadores/as informátic@s. Coa nosa incrible capacidade de acción estando organizad@s poderiamos conseguir vantaxes, non só para o noso sector senon para toda a sociedade, sexamos solidari@s, auto-organicemonos en seccións sindicais e sindicatos de ramo de informática prescindindo dos profesionais da defensa d@s traballadores/as...

A organización é a forza. Se ninguén traballa por ti, que ninguén decida por ti!!

POR UN CONVENIO DIGNO!!

CNT, outro xeito de facer sindicalismo!!

www.cntgaliza.org

www.cnt.es

Referencias:

[CNT contra Boloña]:

http://malaga.cnt.es/spip.php?article55

http://cordoba.cnt.es/node/487 http://cntjaen.bitacoras.com/archivos/2008/11/11/asamblea-...

[Huelga informáticos ya!]:

http://www.entrecodigos.com/2008/02/huelga-de-i.....

[Colexio Andalucia]: