Vitória sindical en Pizza-Móvil

Tras seis meses de conflito contínuo con Pizza Móvil, con mais de trinta concentracións ás costas, tres compañeiros denunciados e movilizacións en todo o estado damos por finalizada a campaña despois de ser recoñecida a improcedencia do despedimento da compañeira M.C.

Foi un xuizo difícil, no que a afiliada à UXT e xefa de tenda declarou contra a sua compañeira nun claro exemplo de "sindicalismo" moderno e adaptado. Aliás, a fiscal, no lugar de defender un direito fundamental como o da liberdade sindical, preferiu defender os intereses do capital, cuestionando en todo momento o labor sindical da CNT e da sua sección na empresa Pizza Movil.

De CNT valoramos positivamente o final alcanzado dada a dificultade de loitar contra grandes empresas coma esta. Vitorias e conflitos como este demostran a validez e necesidade dun sindicalismo como o que representa a CNT: asembleário, independente, que pratica o apoio mutuo e a accion directa.

Sabemos que esta vitoria é unha vitoria de toda a confederación, que non deixou de praticar a solidariedade coa compañeira M.C. dando boa mostra desto a grande cantidade de movilizacións que nestes meses tivo que sufrir Pizza Móvil en todo o estado español.