Acción contra Pizza Móvil en Compostela

Onte, día 7 de Marzo, a Federación Local da CNT de Compostela convocou unha concentración frente ao establecemento que a empresa PIZZA MOVIL ten na Praza de Vigo. Ás 20'30 guindamo-nos ali para denunciar, con panfletos, unha faixa, bandeiras e un megáfono, o despido da delegada da sección sindical da CNT en PIZZA MOVIL.
PIZZA MOVIL, unha das empresas fundamentada no "bo rollo e o dinamismo xuvenil", é lider en precariedade, en auséncia de estabilidade no emprego, en soldos de miséria (de apenas 3 euros a hora de traballo e hora de vida), en non pagar as horas extras que de xeito normal hai que facer para rematar o traballo.
Esta empresa modélica, esta empresa moderna e guai, ten por norma non respeitar as categorias profesionáis fixadas en convénio.

Por estas razóns e por várias máis, traballadoras e traballadores empregados en PIZZA MOVIL decidiron constituir unha Sección Sindical da CNT e a resposta da empresa foi despedir fulminantemente á delegada sindical da CNT no centro de traballo da compostelá Rua das Orfas.
Se PIZZA MOVIL acosa, a CNT acosará á PIZZA MOVIL se non entra en razóns e asume que a CNT ten dereito a montar unha sección sindical na sua empresa e a reclamar melloras salariais e laborais para as persoas que venden a sua única vida á empresa PIZZA MOVIL.