Prensa obreira

Médicos Sin Fronteras

Seccion sindical da C.N.T. Médicos Sin Fronteras. (msfcompostela.cnt@gmail.com)

Concentracións no xulgado en apoio das despedidas/os por Médicos Sin Fronteras

 

  • Novos piquetes de protesta como parte da campaña "MSF explota e despide"
  • Celebrados esta semana os xuízos das últimas compañeiras despedidas en Médicos Sin Fronteras.

Esta semana a CNT Compostela realizou dúas concentracións coincidindo cos últimos xuízos polos despedimentos do pasado outubro dos traballadores e traballadoras que a ONG Médicos Sin Fronteras tiña contratadas para a captación de fondos.

Novas protestas en solidariedade coas sindicalistas represaliadas en Médicos Sin Fronteras

 

  • Piquetes nas sedes de Médicos Sin Fronteras en Compostela e Madrid no inicio dos xuízos

 Esta semana CNT Compostela realizou dúas concentracións coincidindo co inicio dos xuízos polos despedimentos dos traballadores e traballadoras que a ONG Médicos Sin Fronteras tiña contratadas para a captación de fondos.

 De novo as protestas sindicais escoitaronse nas sedes compostelá e madrileña de Médicos Sin Fronteras e tiveron continuidade nas portas dos xulgados do social onde tiveron lugar os dous primeiros xuízos dos cinco que han celebrarse.

Médicos Sin Fronteras explota e despide

 

 

  • Comeza a campaña de loita contra a explotación do persoal de captación de fondos e os despedimentos en Médicos Sin Fronteras.
  • O pasado mes de Outubro a ONG despediu a cinco persoas, todas membros do sindicato CNT, alegando causas organizativas.

En resposta aos despedimentos producidos na delegación compostelana de Médicos Sin Fronteras, a Confederación Nacional do Traballo inicia unha campaña de denuncia pública contra a mentada ONG esixindo a inmediata readmisión das persoas represaliadas por defender os seus postos de traballo. 

A CNT concentrouse unha vez máis diante da delegación que Médicos Sin Fronteras ten na compostelana rúa do Vilar. Megáfono en man, levouse a cabo o pertinente reparto de centos de trípticos informativos facendo chamamento á poboación para que amose a MSF o seu descontento con esta situación de abuso patronal.

Máis de medio millón de visualizacións.
O inicio da campaña foi seguido de forma masiva a través das redes sociais, onde se conseguiu visibilizar o conflito mediante o hashtag #MSFexplotadespide.

O Tribunal Superior arremete contra Médicos Sin Fronteras

 

  • Médicos Sin Fronteras recorreu ao Tribunal Superior de Xustiza de Galicia tras ser condenada por discriminación en primeira instancia.
  • Durísima sentenza desestima a prentensión da ONG e condénaa a pagar as custas do procedemento.

No pasado mes de xuño, Médicos Sin Fronteras foi condenada por discriminación a unha traballadora e un traballador do sindicato CNT pola súa conduta ao non converter en indefinidos os seus contratos pola súa orixe estranxeira.

A ONG presentou recurso de suplicación ante o Tribunal Superior de Xustiza de Galicia, que agora desestima a súa pretensión de ser absolta e dita unha sentenza que desmonta todos os pretextos de mala perdedora de Médicos Sin Fronteras.

Sinálase que, a pesar do alegado por Médicos Sin Fronteras, «a duración do contrato de traballo determina a duración da autorización para traballar, pero non á inversa" e que tal como se sinalou en primeira instancia, isto «comporta unha discriminación pola súa condición de estranxeiros».

Médicos Sin Fronteras rectifica e cede reincorporando á nosa compañeira.

 

  • Médicos Sin Fronteras cede ante as accións directas e xudiciais.
  • Non se depurarán responsabilidades no departamento de recursos humanos.

Médicos Sin Fronteras foi demandada a pasada semana ao non cumplir cos dereitos de conciliación familiar da nosa compañeira, captadora de fondos, en Santiago de Compostela.

A nosa compañeira levaba pouco máis dun ano en situación de excedencia por coidado da súa filla e solicitou reincorporarse o pasado decembro. Trátase dunha situación prevista polo órgano lexislador, que protexe ás persoas que decidan conciliar as súas vidas profesionais e familiares por medio de este tipo de excedencia, obrigando ás empresas a reservarlles un posto de traballo sen supeditación á existencia de vacantes.

Médicos Sin Fronteras non respecta a conciliación familiar

 

  • O abuso patronal por parte de Médicos Sin Fronteras continúa.
  • Médicos Sin Fronteras volve a ser demandada ao realizar un despedimento encuberto.
  • Unha compañeira deste sindicato pediu reincorporarse da súa excedencia por coidado dunha menor sen éxito.

Médicos Sin Fronteras segue coas suas políticas laborais deplorables ao non respectar algo tan básico como é o dereito á conciliación laboral e familiar das persoas traballadoras. A nosa compañeira solicitou unha excedencia por coidado da súa crianza logo de desfrutar da súa baixa por maternidade, denegándoselle agora o seu reingreso xa que "o pasado 13 de Outubro se procedeu á amortización do seu posto de traballo" xunto cos despedimentos da sección da CNT.

CNT presente no debate asociativo de Médicos Sin Fronteras

CNT fixo acto de presencia na sede de Médicos Sin Fronteras o día no que o asociativo se reunía para ter un debate sobre "os riscos da democracia" e a posición da organización ante o "novo orde mundial de gobernos populistas".

Compañeiras e compañeiros do sindicato en Barcelona achegáronse para repartir información e denunciar as políticas laborais represivas ás que é sometido o plantel de captación de fondos.

Recordaron ás asociadas e asociados, que son as persoas que teñen voz e voto na asamblea, que Médicos Sin Fronteras foi recentemente condenada por discriminación, por modificación substancial das condicións de traballo, e que están vistas para sentencia dúas das máis de 70 causas abertas contra a organización.

Tamén se recordou a persecución daquelas persoas que reclaman os seus dereitos e a falta de depuración de responsabilidades no seo do departamento de recursos humanos.

Médicos Sin Fronteras suspende unha proxección polas reivindicacións da CNT

 

  • A pasada tarde do día 14 de novembro, a CNT voltou a visibilizar os varios conflitos laborais aos que fai fronte a sección sindical en Médicos Sin Fronteras. 

  • "Médicos Sin Fronteras, empresa que utiliza as medidas de denuncia pública e de presión social para acadar os seus obxectivos, debería saber que o único camiño son o tesón e a loita e que, ainda que non contemos coa súa capacidade mediática nin o resto dos seus recursos de multinacional, non nos imos rendir ata que se faga xustiza"

A multinacional da solidaride sumouse ao evento cinéfilo compostelán por antonomasia, Cineuropa, ca proxección do documental "Affliction" e participando nun debate posterior coa presenza de Miriam Alía, enfermeira expatriada con Médicos Sin Fronteras, Belén Regueira, xornalista, e Maria Diaz, Delegada de comunicación de Médicos Sin Fronteras en Galicia. A CNT denunciou novamente a represión sindical, a discriminación por nacionalidade, os despedimentos masivos como consecuencia da represión e a carencia de dereitos e medios do plantel de captación de socias/os. Repartíronse panfletos informativos entre o público. 

Celébrase o xuízo por conflito colectivo contra Médicos Sin Fronteras

  • O pasado xoves 3 de Novembro celebrouse o xuizo polo conflito colectivo interposto contra Médicos Sin Fronteras no Tribunal Superior de Xustiza de Galicia. 
  • A pesares dun novo intento á desesperada, Médicos Sin Fronteras non conseguiu adialo novamente.

Dende que se interpuxo o conflicto colectivo, Médicos Sin Fronteras adiou o xuizo ata en catro ocasións non aportando as probas requeridas xudicialmente. Desta vez, aínda cando non entregou toda a proba solicitada, non conseguiron a suspensión do xuizo.

CNT recibe a Médicos Sin Fronteras nos Xulgados cunha nova concentración

 

O pasado 26 de outubro a CNT volveuse a concentrar ás portas dos Xulgados do Social de Compostela para esixir a Médicos Sin Fronteras a readmisión do noso compañeiro despedido en A Coruña.

O noso compañeiro levaba traballando para a ONG dende o ano 2014 en captación de fondos a pé de rúa e o pasado mes de abril decidiu unirse á Sección Sindical da CNT en Médicos Sin Fronteras para loitar polos seus dereitos como traballador e denunciar as políticas laborais escravizantes, discriminatorias e de represión da susodita organización. Esta situación non gustou a Médicos Sin Fronteras, que decidiu despedilo dous meses despois con motivos que non se sostían entón e non se sostiveron no xuízo, no que todas as testemuñas se contradiciron e mesmo deixaron patente a súa parcialidade con frases coma "eu quero que este xuízo saia a favor de Médicos Sin Fronteras".

Durante a concentración, malia a temprana hora do xuízo, repartíronse centos de cuartillas explicando como Médicos Sin Fronteras explota, acosa e despide a aqueles que se unen para loitar con máis forza.