Jornadas Libertárias

8M: folga xeral feminista

Galiza

Charla sobre a consolidación na OPE 2017

Xunta

  • Xoves 1 de febreiro ás 11:30h. no salón de actos da Consellería de Sanidade en San Lázaro (Compostela)

Este xoves día 1 de febreiro á sección de CNT na Xunta dará unha charla informativa sobre o proceso de consolidación recollido na recentemente publicada OPE 2017.

A reunión está dirixida á todo o persoal afectado polo proceso de consolidación do segundo tramo que se recolle na OPE de 2017 e que se deriva do acordo de 2008. Alí tratararemos de poñer en común a información sobre dito proceso e resolver as dúbidas das persoas asistentes.

CNT aproba por unanimidade convocar folga xeral feminista este 8 de marzo

 

CNT 8 Marzo

  • A Confederación Nacional do Traballo respalda o chamamento do movemento feminista estatal e acorda convocar folga xeral de 24 horas o 8 de marzo.
  • 'Xuntas paramos. Xuntas avanzamos' será o lema da campaña coa que o sindicato anima a todas as mulleres a secundar a folga.

A Confederación Nacional do Traballo (CNT) súmase á iniciativa do movemento feminista galego e estatal para o Día Internacional da Muller e acorda por unanimidade no seu pleno de rexionais celebrado o sábado 27, convocar unha folga xeral de 24 horas o próximo 8 de marzo.

Nesta convocatoria CNT colócase, como sindicato, detrás do movemento feminista galego e estatal, que de forma autónoma, asamblearia e desde abaixo, fixo un chamamento a todas as mulleres para que exerzan o seu dereito a folga en todos os ámbitos nos que sofren a violencia patriarcal: laboral, estudiantil, de consumo e de coidados.

Xornada de loita estatal contra as listas de espera. 25 DE XANEIRO DE 2018

 

 

O proceso planificado de privatización e deterioro do sistema sanitario, posto en marcha desde hai anos, está dando desgraciadamente os seus froitos: interminables listas de espera (que además se desplazaron do quirófano ao diagnóstico); incremento dos seguros sanitarios privados; aumento das diferenzas entre territorios; e sobre todo moita dor e sufrimento para a poboación traballadora e/ou excluída.

Fronte a esta gravísima situación, colectivos de diversos puntos do estado chamamos a relizar movilizacións, o próximo 25 de xaneiro, ante os centros sanitarios. Contra as listas de espera e a mercantilización do sistema sanitario. Por unha atención sanitaria digna. Porque hai solucións, ainda que os políticos non queiran velas.

A CNT concentrarase nos seguintes puntos o vindeiro 25 de xaneiro:

  • OURENSE: Na porta principal do Hospital Nuestra Señora de Cristal, ás 12:00.
  • COMPOSTELA: Na porta principal do Hospital Clínico Universitario, ás 20:00.

Aquí podes ver a octavilla e o díptico.

GES de A Guarda consiguen a indefinición dos seus contratos

Logo GES

CNT demostra a fraude na actual relación laboral de caracter temporal
Sentenza recente do Xulgado de Vigo ven a sinalar a fraude da actual relación laboral, como persoal temporal, dos traballadores da sección de CNT no GES do concello de A Guarda que interpuxeron demanda en decembro de 2015. A sentenza recoñece a indefinición dos seus contratos laborais, aínda que será recorrida polos demandantes co obxecto de que se determine que a relación laboral sexa de caracter fixo. 
CNT valora "positivamente" a sentenza "pola mellora que supón na relación laboral" e por "quedar demostrada a fraude denunciada na contratación do persoal do GES". Fontes anarcosindicais instan a que "o antes posible" os responsables do concello de A Guarda executen a sentenza.
  • CNT demostra a fraude na actual relación laboral de caracter temporal

Sentenza recente do Xulgado de Vigo ven a sinalar a fraude da actual relación laboral, como persoal temporal, dos traballadores da sección de CNT no GES do concello de A Guarda que interpuxeron demanda en decembro de 2015. A sentenza recoñece a indefinición dos seus contratos laborais, aínda que será recorrida polos demandantes co obxecto de que se determine que a relación laboral sexa de caracter fixo.

CNT valora "positivamente" a sentenza "pola mellora que supón na relación laboral" e por "quedar demostrada a fraude denunciada na contratación do persoal do GES". Fontes anarcosindicais instan a que "o antes posible" os responsables do concello de A Guarda executen a sentenza.

A CNT constitúe sección sindical na AMTEGA

Amtega

  • A CNT constitúe sección sindical na AMTEGA (Axencia para a Modernización Tecnolóxica de Galicia da Xunta de Galicia).

 

A sección nace para ser unha ferramenta de loita das traballadoras e traballadores na AMTEGA, a través da que canalizar as demandas e reivindicacións específicas do persoal informático da Xunta de Galicia. O plantel afiliado ten o convencemento de que a estrutura de sección sindical é moito mais forte e eficaz que o modelo representativo, ademáis de ser verdadeiramente horizontal. Toda a afiliación ten o mesmo poder na sección, sen distincións nin xerarquías.

 Desde a sección anímase ao resto de traballadoras e traballadores tanto da AMTEGA como da propia Xunta de Galicia a achegarse ás seccións sindicais da CNT, participar delas e avanzar cara unhas mellores condicións laborais en materias que repercutan tamén nunha mellor atención á cidadanía.

Contrátante no nadal? Algunhas cousas que deberías saber para que non te exploten

 

Na campaña do Nadal aumenta a contratación temporal no comercio, a hostalaría, a loxística e outros sectores. Está previsto que nos meses de decembro e xaneiro se asinen centos de miles de contratos.

Pero a campaña do Nadal é tamén un momento de aumento nos abusos laborais e da explotación dos traballadores e traballadoras, a pesar dos beneficios que obteñen coas vendas realizadas durante esta época, mentres quen traballamos só obtemos contratos temporais, precarios e mal remunerados.

Por iso, é importante que coñezas os teus dereitos, e que te organices no Sindicato co fin de defender os teus dereitos.

 

Venres negro para Time Road

 

 

  • CNT volve a concentrarse en Compostela diante da tenda que a cadena Time Road ten no centro comercial As Cancelas.

Por segunda vez a CNT concéntrase diante da xoiería e reloxería Time Road en Santiago de Compostela para insistir no pagamento da débeda que a cadea mantén cunha empregada afiliada ao sindicato.

A concentración levouse a cabo durante o Black Friday, onde ademáis de rebaixar o prezo dos productos, esta cadea pretende tamén rebaixar os dereitos laborais do seu plantel.

A ampla asistencia ao centro comercial neste día permitiu visibilizar o conflito que a CNT mantén con esta empresa, repartíndose 2000 panfletos en menos dunha hora. A tenda permaneceu prácticamente baleira durante a concentración.

Finalizado o conflito con Cevichería La Sarita

 

  • O restaurante adebedaba unha importante cantidade de cartos a unha traballadora.
  • A CNT volve a por de manifesto a utilidade da acción directa.

A CNT de Compostela ven de lograr unha nova victoria no plano laboral fronte ao restaurante Cevichería La Sarita, que adebedaba unha importante cantidade a unha traballadora.

Santa Apolonia volve a perder no Tribunal Superior

 

  • O Tribunal Superior de Galiza estima o recurso presentado pola central sindical na sentenza do ERTE de verán de 2016.
  • O sindicato recurriu a sentenza de primeira instancia, na que a pesar de declararse ilegal o ERTE, non se recoñecía a vulneración de dereitos fundamentais.

A CNT volve a estar de noraboa ao lograr unha vez máis unha sentenza favorable contra o colexio privado Santa Apolonia. O colexio que se publicita como un espazo que «favorece a solidariedade, a integración e a cooperación» volve a ver castigadas as súas pretensións de vulnerar os dereitos fundamentais do plantel.

CNT concéntrase diante de Time Road

 

 

  • Time Road recoñece que unha afiliada á CNT está contratada nunha categoría inferior á correspondente e que realiza horas complementarias. 

O pasado venres, a CNT concentrouse diante dunha das tendas que a cadea Time Road ten no estado, concretamente na do Centro Comercial As Cancelas. Ante o estupor das veciñas e veciños que pasaban a tarde no complexo, o sindicato desplegou unha pancarta esixindo á empresa que salde a súa débeda para con unha afiliada.

A CNT sostén que «a dignidade da clase obreira non comprende soamente o colectivo, senón que hai que defendela en todos e cada un dos postos de traballo». Por iso, o sindicato non desestima a posibilidade de «extender este conflito a outras poboacións do estado onde Time Road teña presenza».

Durante a concentración repartíronse preto de mil octavillas informativas sobre o conflito que esta central sindical mantén coa empresa.