Enquisa HostaleríaDigna

Galiza

CNT Galiza realizará un acto reivindicativo previo á folga xeral feminista

  • O sindicato rexistrou legalmente a convocatoria de folga xeral feminista de 24 horas o pasado 20 de febreiro.

 O vindeiro día 7 de marzo, un día antes da convocatoria de folga xeral que CNT rexistrou en apoio aos movementos feministas estatais e galegos, o sindicato levará a cabo un «arranque de folga» cunha concentración e mitin na Praza do Toural compostelana.

O acto, programado para as 20 horas, será protagonizado pola militante do sindicato Xiana Arias.

Farase un repaso das razóns do sindicato para posicionarse detrás do movemento feminista, en apoio contundente e absoluto coas súas reivindicacións. Expostas a modo de resumo: a eliminación da fenda salarial, a eliminación dos obstáculos que teñen ás mulleres no acceso e promoción do emprego, a conciliación da vida laboral e familiar, a eliminación de toda discriminación no emprego ao servizo do fogar familiar e, en definitiva, a eliminación da problemática de discriminación e desvantaxe que sufren as mulleres no ámbito laboral.

Folga Xeral Feminista: Guía e próximas convocatorias

CNT Galiza, por mor da vindeira folga xeral que terá lugar o día 8 de marzo, edita e distribúe libremente a súa guía sindical sobre o dereito á folga que podes descargar en PDF.

O sindicato lamenta profundamente a labor de manipulación que CCOO, UXT e CIG están realizando en numerosos centros de traballo, dando a entender que soamente é legal a súa convocatoria de paros de dúas horas. Chamamos a todas as traballadoras e traballadores a que combatan estas mentiras que socavan o éxito da folga feminista e difundan na medida das súas posibilidades a legalidade da convocatoria de folga xeral de 24 horas realizada por CNT e outras centrais sindicais.

Vindeiras convocatorias:

  • 6 marzo ás 12h: Charla informativa para traballadoras e traballadores da Xunta no salón de actos de Sanidade en San Lázaro, Compostela.
  • 7 marzo ás 20h: Mitin CNT «Xuntas paramos, xuntas avanzamos» na Praza do Toural. Compostela.
  • 8 marzo: Folga Xeral Feminista de 24h e manifestacións nas seguintes vilas:

A Coruña: Manifestación. Saída ás 19 horas do Obelisco
Compostela: Ás 12 horas concentración na Praza Roxa e ás 20 horas manifestación dende a Praza 8 de marzo
Lugo: Ruada nocturna. Saída ás 20 horas do Multiúsos da Xunta
Ourense: Manifestación. Saída ás 20 horas dende a Subdelegación do Goberno
Vigo: Ás 12 horas concentración na Rúa do Principe e ás 20 horas manifestación desde a Praza de Portugal
Marín: Manifestación. Saída ás 20:30h da Casa do Concello
Ferrol: Manifestación. Saída ás 20 horas da Praza Amada García (edificio da Xunta)
Monforte: Manifestación. Saída ás 20 horas da Praza de España
Cangas: Concentracion ás 12.30 horas na Praza do Concello e ás 20 horas manifestación
Vilalba: Concentración desde as 11:30 ata as 21 horas na Praza da Constitución
Pontevedra: Concentración de 12 a 14 horas na Praza da Peregrina
Ponteareas: Concentración ás 12 horas na Praza Bugallal.
Ribeira: Concentración ás 20 horas na Praza do Concello
Cee: Concentración ás 20 horas na Praza 8 de Marzo
Redondela: Concentracións con lectura de textos ás 12 e ás 19 horas na Praza da Constitución
Allariz: Concentración a partir das 12:30 horas na Praza Maior
Chantada: Concentración ás 12 horas na Praza de Galicia (Xulgado)
Ribadeo: Viaxe común Ribadeo-Burela no tren das 15 horas
Viveiro: Viaxe común Viveiro-Burela no tren das 17 horas
Burela: Actividades no local da Asociación Xebra ás 16 horas. Marcha de mulleres ás 19:30 desde a estación do tren. Concentración na Praza da Mariña ás 20 horas
O Barco de Valdeorras: Concentracións ás 13 horas e ás 20 horas na Praza do Concello
Verín: Concentración ás 20 horas na Praza do Concello
Vilagarcía de Arousa: Concentración ás 20 horas na Praza de Galicia
Moaña: Concentración ás 12:30 e ás 20 horas na Praza do Concello
A Illa de Arousa: Marcha pola igualdade real entre mulleres e homes. Saída da Lonxa ás 18 horas ata o Concello.

CNT Galiza considera abusivos os servizos mínimos na Xunta de Galicia

  • Os servizos mínimos que ofrece a Xunta de Galicia exceden por moito o esencial e inclúen servizos que nin sequera existen.

Nun acto meramente protocolario, a administración pública citou á CNT na mesa de negociación polos servizos mínimos do funcionariado. A postura do sindicato foi negociadora, máis ese non era o plan da Xunta de Galicia que soamente se sentou á mesa por imperativo legal e sen interese ningún.

CNT Galiza considera que na CRTVG non deberían existir os servizos mínimos durante a folga

 

  • Na negociación polos servizos mínimos á que acudiu o sindicato este martes, a CNT mantivo que a televisión non é un servizo esencial.

  Citados pola patronal, os sindicatos -entre eles, a CNT- acudiron á negociación de servizos mínimos na que a proposta da empresa acumulaba a case 200 persoas.

 Na reunión chegouse a escoitar algo tan inverosímil coma que os deportes, o magacine da mañá ou o diario cultural son servicios esenciais que deben ser cubertos durante un día de folga xeral. Neste senso, tamén as maquilladoras dan un servizo esencial e polo tanto deben estar incluídas nos servizos mínimos.

CNT Galiza reúnese co grupo parlamentario do PSOE no Parlamento

No marco das reunións cos grupos parlamentarios que a CNT solicitou o pasado 7 de febreiro, citouse ao sindicato no Parlamento para reunirse co Partido Socialista.

A reunión tivo lugar na tarde do mércores e durou aproximadamente unha hora e media.

A CNT presentou as súas reivindicacións ás representantes enviadas polo partido, as deputadas María Luisa Pierres López e Noela Blanco, que comunicaron ao sindicato a súa intención de apoiar a folga a título individual, pero soamente acolléndose aos paros parciais -insuficientes según a visión de CNT- convocados polos sindicatos de concertación UGT e CCOO.

As reivindicacións feitas polo sindicato foron escoitadas, e as deputadas declararon que algunhas son coincidentes coas do seu partido. As dúas partes mostraron o seu interese por continuar as conversas tras o 8 de marzo.

Desde a CNT considérase que esta reunión, independientemente dos cambios que poda producir, foi «moi aberta e nótase que as persoas enviadas polo grupo teñen formación tanto en materia de xénero como en relacións laborais, o que facilitou o intercambio de opinións».

 

CNT Galiza rexistra a folga xeral feminista de 24 horas do 8M

A Confederación Nacional do Traballo en Galiza, tras a participación nas asambleas convocadas por diversas organizacións feministas e en apoio contundente as súas reivindicacións, sitúase detrás do movemento das mulleres e convoca folga laboral 24 horas para o día 8 de marzo de 2018.

O sindicato solicitou reunións cos grupos parlamentarios, coa Consellería de Economía, Emprego e Industria e coa Confederación de Empresarios Galegos (CEG) para abordar esta situación de desvantaxe que sufren as mulleres e negociar as reivindicacións e propostas de actuación, pero, ata o momento, só responderon a dita solicitude de reunión: En Marea e Partido Popular.

Tomando como base as reivindicacións laborais das mulleres organizadas, a CNT fai un chamamento a secundar a folga laboral 24 horas coas seguintes demandas, expostas a modo de resumo: a eliminación da fenda salarial, a eliminación dos obstáculos que teñen ás mulleres no acceso e promoción do emprego, a conciliación da vida laboral e familiar, a eliminación de toda discriminación no emprego ao servizo do fogar familiar e, en definitiva, a eliminación da problemática de discriminación e desvantaxe que sufren as mulleres no ámbito laboral.

Como a situación de precariedade laboral femenina é indiscutíble e moitas terán medo e dúbidas á hora de secundar a folga, a CNT achega unha guía coas Preguntas frecuentes sobre a folga do 8M que poden xurdir. Ademáis, a CNT anima a que contacte calquera persoa que queira secundar a folga e que tras ler a guía aínda teña dúbidas sobre a súa situación.

Coa vontade do sindicato de seguir detrás do movemento feminista apoiando as súas accións, a CNT tamén secundará a manifestación que as organizacións feministas convocan o día 4 de marzo en Vigo. Ademáis, en diferentes vilas da Galiza estánse organizando manifestacións ou concentracións para o mesmo 8 de marzo.

A CNT de Galiza oficialmente convoca a folga de 24 horas o día 8 de marzo e en palabras do sindicato, «se as mulleres paramos, todo para. Xuntas paramos, xuntas avanzamos.».

 

CNT formaliza a convocatoria de folga xeral para o 8 de marzo

 

  •  A Confederación Nacional do Traballo convoca a mulleres e homes a unha folga xeral feminista de 24 horas para acabar con toda discriminación de xénero
  • O sindicato está mantendo reunións con grupos parlamentarios e patronais para negocias as propostas e reivindicación que vertebran a folga

A Confederación Nacional do Traballo (CNT) presentou esta mañá no Ministerio de Emprego e Seguridade Social a convocatoria de folga xeral de 24 horas para o 8 de marzo, tal e como acordou a confederación por unanimidade no seu Pleno de Rexionais o pasado 27 de xaneiro.

A CNT reúnese co Partido Popular

  • No seo das negociacións que esixe a lei ante a convocatoria de folga xeral, a Confederación Nacional do Traballo en Galiza reuniuse coas representantes do Partido Popular este luns no Parlamento.

 A CNT, en calidade de sindicato convocante da folga xeral de 24 horas que terá lugar o vindeiro 8 de marzo –Día da Muller–, reuniuse esta mañá con Paula Prado, conselleira e responsable da área de Igualdade no Parlamento galego.

 A reunión tivo lugar pasado o mediodía e durou apenas unha hora, na que dou tempo a atisbar as posicións enfrontadas entre o partido que ostenta o poder e a forza dos movementos sociais representados na convocatoria de folga.

CNT participará no acto de difusión da folga feminista da MMM

  • CNT Galiza participará no acto organizado pola Marcha Mundial das Mulleres.

O vindeiro 15 de febreiro terá lugar en Compostela un acto de difusión e información sobre a folga xeral feminista convocada para o vindeiro 8 de marzo. A CNT participará abordando o seu posicionamento a favor da convocatoria de 24 horas no ámbito laboral, así coma no de coidados, estudiantil e de consumo.

O acto será na Casa das Mulleres Xohana Torres ás 20:00.

Déjà vu? Non. Outra condena para Santa Apolonia

 

  • Segunda sentenza esta semana na que se recoñece a vulneración dos dereitos fundamentais do delegado da sección de CNT no colexio privado Santa Apolonia.

Ao colexio privado Santa Apolonia estalle a custar cara a súa actitude kamikaze en contra dos dereitos das persoas afiliadas ao noso sindicato. A pesar do empeño en acosar, humillar, cambiarlle as funcións e o horario, e moitas outras lindezas que sofre o noso compañeiro, os xulgados tiran pola mesma vía: vulneración de dereitos fundamentais e indemnización polos danos ocasionados.

Desta vez, a indemnización ascende a máis de 6.000€ da que responderán novamente Maria del Rosario Medina Gómez e Armando Jorge Barbazan Leis, administradores da empresa.

Agora sí que perdemos a conta das sentenzas favorables.