Prensa obreira

Galiza

Comeza a campaña de crowdunfing para Coluna Sanfins

Homenaxe á Coluna SanfinsA CNT vén de lanzar a campaña de crowdfunding para o financiamento do monumento popular dedicado á Coluna Sanfins.

Este monumento fai parte da homenaxe que o grupo de Memoria Histórica da CNT, xunto coa Sociedade Histórica e Cultural «Coluna Sanfins» de Lousame, organiza o próximo domingo, día 30 de outubro nas minas de Sanfins.

No contexto das XXIV Jornadas Libertárias de Compostela, no próximo domingo realizaranse unha serie de actos que inclúen unha palestra con historiadores sobre o feito histórico de resistencia ao golpe fascista e combate pola liberdade, apresentación do libro «Breve historia da Coluna Sanfins» editado pola CNT, participacion musical de Nota Bene, romaria e roteiro libertário polas minas de Sanfins.

Para sufragar o monumento popular foi posto á disposición das persoas que quixeren colaborar unha campaña de crowdfunding en Goteo.org e disponibilizou-se unha web propia con toda a información.

Nova concentración da CNT contra Médicos Sin Fronteras en Compostela

  • Médicos Sin Fronteras despediu a cinco persoas, todas afiliadas deste sindicato o pasado xoves.
  • Continuan as medidas de represión sindical na devandita oenegué.
  • Fontes sindicais indican que ninguna acción atentatoria contra os dereitos da clase traballadora ficará sen resposta.

 

A CNT volveu a concentrarse nas rúas compostelanas contra a situación de abuso laboral e de precariedade á que é sometido o plantel de captación de fondos da organización. Desta volta, informamos á cidadanía dunha nova mostra de represión sindical tralo despedimento de cinco afiliadas á CNT o pasado xoves 13 de outubro.

A Sección Sindical da CNT en Médicos Sin Fronteras leva máis dun ano loitando contra unha cláusula de productividade abusiva, esperando por un xuízo que MSF se esforza en adiar unha e outra vez porque sabe que o ten perdido. Ademáis, dúas das persoas despedidas demandaron a Médicos Sin Fronteras por discriminación por motivo de nacionalidade, logrando que a ONG fose condenada por este motivo fai escasos meses.

Máis se cabe, a acción sindical das nosas compañeiras e compañeiros foi sempre unha pedra no zapato das responsables da organización, que acumula máis de cincuenta demandas nos xulgados.

XXIV Jornadas Libertárias de Compostela

24/10/2016 19:00
30/10/2016 20:00

Na próxima segunda-feira, 24 de outubro, começarão as XXIV Jornadas Libertárias da CNT de Compostela com a seguinte programação:

XXIV jornadas libertáriasCartaz jornadas libertarias 2016
24 a 30 de outubro de 2016
Na luta pela liberdade, ontem e sempre!

Segunda, 24 às 19h
À procura não só de Lorca
Sonia Turón
Arqueóloga do grupo de memória histórica da CNT.
Sala 11 da Faculdade de Geografia e História da USC.

Terça, 25 às 19h
Colapso, capitalismo terminal, transição ecossocial, ecofascismo.
Carlos Taibo
Professor de Ciência Política e da Administração na UAM.
Sala de atos da Faculdade de Filosofia da USC.

Quarta, 26 às 19h
Da garçonne à pin-up (mulheres e homens no século XX)
Mercedes Expósito
Investigadora em História Cultural.
Local da CNT.

Quinta, 27 às 19h
A prisão e a solidariedade
Xose Luís Santos Cabanas
Pai de preso e autor de 'Novas do exterior'.
Local da CNT.

Médicos Sin Fronteras despide cinco traballadores e sofre novo piquete

  • Médicos Sin Fronteras despide a práctica totalidade da sección sindical de CNT
  • A ONG continúa na súa campaña de vulneración de dereitos contra sindicalismo
  • O sindicato CNT concéntrase en resposta á continua represión sindical de MSF contra o personal que revindica os seus dereitos
  • Exixen a inmediata readmisión dos e das sindicalistas despedidos

MSF despide sección sindical da CNT

A CNT concentrouse hoxe ás portas da delegación de Médicos Sin Fronteras en Compostela para dar unha resposta inmediata ao despedimento no día de onte de 5 persoas traballadoras da captación de fondos en Compostela afiliadas á CNT.

Segundo a sección sindical da CNT, a multinacional humanitaria convocou onte, día 13 de outubro, a sección da CNT ao finalizar á súa xornada laboral «para executar o despedimento das traballadoras e traballadores anarcosindicalistas «nun claro acto de represión sindical co pretexto de razóns produtivas».

Responsables de Recursos Humanos de Médicos Sin Fronteras desprazáronse desde Barcelona para exercutar os despedimentos, coa súa Coordenadora de Recursos Humanos á cabeza, Gemma Ramos Juy, aínda que o sindicato tamén asinala como responsables da campaña represiva a Anna Pineda Minguez (directora de Márketing e Captación de Fondos), Juan Ramon Atxa (Responsable de Campañas Fundraising), Carmen Moraño Vigara (Resposable de Administración de personas), Ulises Mena Calderon (Coordenador Face to Face) e, en última instancia, Carlos Bustamante Muñoz (Coordenador Face to Face na Galiza).

Santa Apolonia condenado por vulneración de dereitos fundamentais

  • Santa Apoonia ERTE nuloUn profesor leva 24 anos contratado como celador
  • O Santa Apolonia ten como práctica aplicar ERTEs ao longo do ano
  • Os empresarios tentan asfixiar traballadores que reclaman os seus dereitos

O Xulgado do Social de Santiago vén de emitir sentenza que declara nulo o ERTE de inverno do Colexio Santa Apolonia e condena a empresa por vulneración dos dereitos fundamentais.

O Colexio Santa Apolonia, patróns e comité de empresa (amarelo) levan a cabo unha campaña de represión contra o delegado da CNT na empresa. A organización anarcosindicalista demandou o Santa Apolonia porque non recoñece a categoría laboral de profesor ao delegado da sección sindical que ven realizando tarefas como profesor desde que entrou na empresa no ano 1992, figurando a súa categoría e salarios como celador-vixiante.

Médicos Sin Fronteras recúa entre ziguezagues

  • MSF recúa e rectifica a súa actitude discrimatoria
  • A ONG continúa nas súas prácticas intimidatorias a quen exixe os seus dereitos
  • A Sección Sindical da CNT anuncia máis accións sindicais

MSF discrimina

A seguir reproduzimos o comunicado da Sección Sindical da CNT en Médicos Sin Fronteras:

No medio da conflictividade creada a partir da demanda por discriminación presentada pola CNT contra Médicos Sin Fronteras no pasado mes de marzo, as nosas afiliadas solicitaron á ONG que se lles modificase o seu permiso de residencia, xa que cumprían os requisitos legais, e o novo permiso de residencia lles favorecería na súa vida persoal e académica.

Médicos Sin Fronteras, nun primeiro momento, nin se negou nin se comprometeu a nada: únicamente silencio e vacío, coma se a petición xamáis existise, a pesar dos múltiples correos enviados. O que aconteceu despois aínda é historia recente: Médicos Sin Fronteras converteuse nunha ONG condenada por discriminación por razón de nacionalidade e tivo que converter os contratos da nosa compañeira e o noso compañeiro en indefinidos. Nese intre comeza un novo calvario para as persoas demandantes.

Admitese a obxección para non estar nunha mesa electoral

  • Xunta electoral de O Barco admite a obxección de conciencia "por estar debidamente xustificada" como eximente para non estar na mesa electoral

non votes
Tras tocarlle prestar servizo nunha mesa electoral como suplente do primeiro vogal para as vindeiras eleccións galegas do 25 de setembro, Amparo P.D. redactou un comunicado expoñendo os motivos que lle levan a pedir a revogación do seu nomeamento. No seu comunicado alega o seguinte:

"Decidín non participar deste sistema, nin votando nin como cargo nunha mesa electoral: a miña conciencia e os meus ideais impídenmo. Podería enumerar os motivos que me levan a obrar deste xeito e a lista sería moi longa: a desviación de diñeiro supostamente público a fins privados, a desigualdade social, as inxentes cantidades de euros destinados á represión e a morte... Se aínda así considerase que vivimos nun sistema digno con imperfeccións subsanables, non dubidaría en participar nel e achegar o meu graniño de area en melloralo, pero non é este o caso. A corrupción do sistema non afecta os seus accidentes, senón ao seu mesma esencia; é dicir, é intrínseca a el.

Viva Maria condenada de novo a pagar o que debía

viva maria paga o que debesAfiliado a este sindicato ven de gañar un novo pleito á empresa Voodoo Trading S.L. que xestiona o compostelano comercio "Viva Maria" adicado á venda de productos para o autocultivo.

Tras ser xa condenada en agosto de 2013 pola improcedencia do despedimento do compañeiro, a xustiza ven de dar de novo a razón a CNT na súa demanda por diferencias salariais en distintos conceptos da nómina que foi presentada en setembro de 2012, diferencias que obviamente se ven aumentadas polos xuros de demora plicados durante estos últimos 4 anos.

Piquete da CNT ao presidente de MSF

  • Outra concentración máis en Compostela contra as políticas laborais da ONG Médicos Sin Fronteras.
  • O conflito colectivo e o readmisión dun compañeiro entre as revindicacións de CNT

concentracion contra MSF en Compostela

Desta vez, a CNT concentrouse na compostelana rúa do Preguntoiro, onde se levou a cabo un acto da ONG coa presencia do seu presidente José Antonio Bastos, que remata mandato, e do novo cargo e cabeza da xunta directiva de Médicos Sin Fronteras David Noguera.

CNT interpón denuncia contra a Carpintería Víctor Campos

  • Denuncianse ante inspección de traballo as graves irregularidades en seguridade

A CNT de Compostela ven de presentar denuncia na inspección de traballo e seguridade social da Coruña contra a empresa Víctor Campos Carpintería de madeira sita no compostelano polígono do Tambre.

A denuncia ven motivada por polas graves irregularidades que presenta a empresa en materia de prevención e seguridade, "situación incompatible coa saúde dos traballadores e traballadoras" segundo manifiesta a central anarcosindical.