Galiza

A CNT de Compostela proxectará o filme Fóra, filme que, dirixido por Pablo Cayuela e Xan Gómez, conta a historia do barrio de Conxo en función do espazo nuclear do hospital psiquiátrico, en base ao que apresentan diversas reflexións sobre a loita obreira de onte e de hoxe, a psiquitría, a enfermidade... A proxeción será o xoves 21 de Marzo, ás 20:00, no local da CNT (García Prieto, 24-28) e contaremos coa presenza dos directores.

“Somos una agencia de viajes con más de 20 años de experiencia en el sector de turismo. Somos la agencia gallega más innovadora"

O pasado sábado 9 de Marzo, en celebración do día da Muller Traballadora, o feminismo de Compostela quixo lembrar á compañeira Rosa Bassave, finada o pasado 11 de Setembro. O acto tivo lugar na Bilbioteca Concepción Arenal e foi, non unha homenaxe, que a compañeira Rosa tería rexeitado, senón un acto colectivo de lembranza por parte dunhas persoas que compartiron loita, militancia e amizade durante catro décadas.

Despois de que durante o pasado ano este sindicato estivera en conflito coa panadaría PanGarcos cando unha asalariada desta empresa fora despedida despois dun ano de traballo en situación máis que irregular: xornadas de 10 horas ao día, nóminas falsas, impago de horas extras e traballo en días festivos, salario por debaixo do convenio, falta de vacacións, etc., e despois de ter chegado a un acordo no que o empresario recoñecía as débedas coa compañeira, este mesmo empresario que se queixaba de que "A acción directa é unha putada" ven de interpoñer unha denuncia contra a CNT e contra a súa ex-empregada por inxurias e calumnia.

A Confederación Nacional do Traballo presenta publicamente a denuncia que aportou o pasado mes de decembro á causa que se tramita nos xulgados arxentinos e que pretende axuizar o xenocidio cometido polo réxime dende 1936 ata 1977. Deste xeito, a CNT-AIT súmase ás accións emprendidas por parte de familiares de asasinados e desaparecidos, asociacións de recuperación da memoria histórica e demais entidades persoadas no procedemento.

En solidariedade cos compañeiros da CNT Sevilla despedidos por Telepizza a CNT Arousa organizou un piquete informativo o sábado 9 de marzo ao mediodía as portas do local desta empresa en Vilagarcía, e sumouse así as accións que nese día desenroláronse no conxunto do Estado.

O 8 de marzo, no día da Muller Traballadora, a CNT Arousa fixo unha concentración en Vilagarcía baixo o lema “Iguais na crise, iguais na loita”. Foi o único acto de istas características celebrado na cidade con motivo desta importante data, o que doulle unha importancia maior. A concentración transcurreu dende ás 20:30 ata máis das 21:30, tempo durante o que berrouse contra o capitalismo, o Estado e pola loita das mulleres, ademáis de facerse chamamentos a folga xeral que foron secundados pola mocidade que transitaba pola praza.

A SOSTIBILIDADE DO MEDIO AGROFORESTAL GALEGO

Comezamos a mobilizarnos a plantilla de CRTVE. Hoxe as 10 da mañá concentrámonos diante do Centro de Traballo o motivo é a defensa do Servizo Público, das condicións laborais e dos postos de traballo.  

O NC de CNT en Allariz proxecta tres documentais que se enmarcan dentro da celebración do 8 de marzo, Día da muller traballadora. Tras a súa emisión haberá debate aberto. Todas as proxeccións serán ás 18:00h no local sindical: Rúa do Castelo 10 (tras a Igrexa de Santo Estevo) en Allariz.