Enquisa HostaleríaDigna

Galiza

A CNT demanda ao Concello de Pontevedra

 

  • O sindicato ven de interpoñer unha demanda contra o Concello de Pontevedra por adebedarlle a un bombeiro miles de euros.

 Coma ven sendo habitual, a situación das persoas que traballan na prevención e extinción de incendios en Galiza sofren as consecuencias dunha administración deficiente e que trata de mercantilizar ao máximo aos planteis que defenden a nosa terra. Por outra parte, non hai que esquecer que o lume é un negocio e que canto máis se abaraten os costes dos recursos humanos, mellor para as empresas que forman parte do sector.

O Tribunal Supremo anula a sentenza do TSX de Galicia pola cláusula de obxectivos mínimos das/os captadoras/es de Médicos Sin Fronteras

 

  • O tribunal galego dictou en novembro de 2016 que a causa non correspondía ao eido xurídico.
  • A CNT recurriu ao Supremo e logrou a nulidade de dita sentenza.

 No ano 2015, a CNT constituiu sección sindical na multinacional Médicos Sin Fronteras, que recurre a persoas traballadoras para acadar socias/os que financien a súa labor humanitaria con condicións abusivas e que, na cláusula denunciada, significa que se non se acada certo número de socias/os e de financiación media, a/o captadora incurre nunha falta disciplinaria que conleva un despedimento sen indemnización nin preaviso.

 Ao longo dos anos, miles de persoas foron despedidas por MSF por esta causa, plantexando a CNT a abusividade da cláusula coma un método para despedir de balde a aquelas persoas que se iban queimando por un traballo á intemperie e ocupado habitualmente por xente xove e de baixos coñecementos do dereito laboral.

XXVI Xornadas Libertarias da CNT Compostela

A CNT Compostela presenta as súas XXVI Xornadas Libertarias que terán lugar na Casa do Matadoiro entre o 21 e o 26 de maio.

Nesta data especial, 50º aniversario do Maio do 68, contaremos coa presenza de cinco ilustres palestrates. Amais, durante todo o mes exporemos unha composición gráfica de fotografías e cartaces relacionados co Maio do 68 na Casa do Matadoiro.

Podes acceder ao programa completo premendo en "Ler mais".

Burguer King recoñece a improcedencia do despedimento dun afiliado á CNT

A multinacional Burguer King chega a un acordo cun afiliado da CNT ao recoñecer que o seu contrato temporal era fraudulento e que o seu despedimento foi improcedente por ese motivo.

A persoa afiliada comezou a traballar para Burguer King o pasado 15 de xuño a través dunha empresa de contratación temporal, sendo incorporado ao plantel de Burguer King tres meses despois cun contrato temporal por circunstancias da producción.

O 8 de marzo, comunicouselle que o seu contrato remataba, poñendo á súa disposición unha indemnización ínfima e sen recoñecer a antigüidade real desde xuño do ano anterior.

O traballador púxose en contacto co sindicato, desde onde se interpuso unha papeleta de conciliación contra a empresa reclamándolle a improcedencia do despedimento ao existir un claro fraude de lei na contratación. Como moitas empresas, Burguer King aproveitase do descoñecemento da lexislación laboral de gran parte da poboación para realizar contratos temporais en situacións onde o contrato debe ser indefinido. Sendo un caso tan claro, Burguer King optou por recoñecer a improcedencia do despedimento e aboar unha indemnización superior ao afiliado.

Crónica do Primeiro de Maio

 

  • A CNT manifestouse pedindo xustiza social e laboral en varios puntos do estado.
  • En Galiza, as manifestacións tiveron lugar en Ourense e Compostela.

Este Primeiro de Maio, día da clase traballadora, as rúas enchéronse de bandeiras libertarias nas manifestacións da Confederación Nacional do Traballo.

Porque este Primeiro de Maio foi diferente do resto; este Primeiro de Maio foi feminista e a partires de agora todos serán igual. Viñamos dunha convocatoria de folga feminista o 8M, un feito histórico, e a coñecida sentenza da manada non fixo máis que espir o patriarcado que sufrimos. As mulleres estamos en pe de guerra e nada nos parará.

En Compostela, desde a Praza 8 de Marzo, e en Ourense, desde a Ponte Romana, a CNT reclamou xustiza social, xustiza laboral, e enmarcou os seus discursos en temas afíns á clase traballadora: o machismo, a loita polas pensións, a educación e a xustiza.

CNT Galiza ante a sentenza da manada

 

 

Fai apenas unhas horas, tras cinco meses desde a finalización do xuízo contra os agresores da presunta violación grupal nos San Fermines do pasado ano 2016, faise pública a sentencia. As mulleres da CNT queremos compartir o noso posicionamento ante dita sentencia, xa non pola repercusión mediática do caso, senón porque somos conscientes de que esta sentencia marcará un antes e un despois na loita das mulleres. Hoxe non so se ditou sentencia á denuncia da nosa irmá madrileña, ese xuízo era de todas nós.

Primeiro de Maio: Manifestación en Compostela

 

  • Manifestación do Primeiro de Maio da CNT, ás 12:30 na Praza 8 de Marzo (Compostela)

 Enmarcado dentro dun ambiente de mobilizacións, tras a Folga Feminista do 8M, as masivas manifestacións contra a Lei Mordaza, a loita pola Defensa das Pensións Públicas, as protestas en Catalunya, entre outras moitas mobilizacións, a CNT comeza a campaña de difusión do Primeiro de Maio, visibilizando á muller como promotora e cabeza visible da loita sindical en Galiza.

 Con esta campaña, primeira no tempo despois da Folga Feminista do 8M, CNT quere manter viva a flama da protesta, para manter o pulso ao governo da mordaza, da conxelación das pensións e salarios, as reformas laborais, a precarización dos servizos e persoal público e o machismo institucional.

Nova reclamación exitosa de teletraballo na Xunta

  • Informático da Xunta de Galicia consegue as 3 xornadas semanais de teletraballo
  • CNT afianzase como referente na defensa dos dereitos de conciliación na Xunta

Unha nova reclamación da CNT respecto do teletraballo na Xunta remata de maneira exitosa. Desta volta, un compañeiro informático a quen se lle denegaron as 3 xornadas semanais solicitadas viuse na obriga de presentar demanda en materia de dereitos de conciliación da vida persoal, familiar e laboral contra a súa resolución de teletraballo.

Novo convenio no sector TIC

 

  • Tras nove anos de negociacións, CCOO e UGT firman no sector un convenio que empeora ao anterior.
  • A CNT convoca ás persoas afectadas por esta perda de dereitos colectiva a unha charla informativa o próximo día 12 de abril. Será no CSC Aurelio Aguirre (Conxo) en Compostela, ás 19:30.

O pasado 6 de marzo publicouse no BOE o convenio que se aplica maioritariamente nas empresas do sector TIC.

Despois de 9 anos de negociacións, CCOO como principal sindicato na mesa negociadora, decidiu non mellorar o convenio e ceder ante a patronal en puntos de suma relevancia. Durante case unha década non houbo chamadas á mobilización e a información que chegaba ao persoal do sector foi escasa. Antes do fin de 2017 a filiación do sindicato CCOO decide aprobar o acordo, a pesares de que a votación contou cunha participación inferior ao 30% e sendo os votos a favor menos da metade. Finalmente decántase a decisión que afecta a todo o sector. A CNT califica o resultado como «decepcionante» e indican que «se perdeu unha boa oportunidade para poñer un convenio á altura dun sector con tanta relevancia na economía actualmente».

Información sobre os procesos de Consolidación e Estabilización na Xunta

Xunta

  • Charla informativa o mércores 4 de abril ás 17:30h. no salón de actos da Consellería de Sanidade en San Lázaro (Compostela)

Os procesos de Estabilización e Consolidación son convocatorias que pretenden reducir as altas taxas de temporalidade na Administración. Na OPE 2017 foi convocado parte do proceso de Consolidación, e recentemente ben de asinarse un acordo recollido no DOG 7-2-2018 para parte do proceso de Estabilización. Estes procesos afectan dunha ou doutra maneira a todo o persoal interino, e laboral temporal e indefinido que traballa para a Xunta.

Este martes 20 de marzo ás 11:30h. no salón de actos pequeno en San Caetano e o vindeiro xoves 22 de marzo  ás 11:30h. no salón de actos da Consellería de Sanidade en San Lázaro realizaranse sendas charlas informativas sobre os procesos de Consolidación e Estabilización.
Estas reunións está dirixidas a todo o persoal temporal (interino, laboral temporal e laboral  indefinido) afectado por estes procesos. Nelas poñeremos en común a información existente sobre os procesos de Consolidación e Estabilización na Xunta, trataremos de resolver as dúbidas das persoas asistentes, presentaremos as problemáticas máis comúns e plantexaremos alternativas de actuación.
Non faltes, o teu futuro está en xogo!
Se non puideses asistir contáctanos a través do mail: galiza@cntgaliza.org

CNT elaborou un documento informativo sobre os procesos de Consolidación e Estabilización de interese para todo o persoal temporal afectado por estes procesos.