Prensa obreira

Compostela

INESFOR é condenada por despedir trabalhadores

Logo INESFOR

  • A empresa INESFOR condenada por vulneración de direitos fundamentais
  • O empresário Leonardo Amboage deverá indemnizar e pagar as dívidas à trabalhadora e trabalhador despedidos

A empresa de formação laboral e profissional INESFOR, com sede em Bertamirães, vem de ser condenada por ter despedido uma trabalhadora e um trabalhador trás demandar a empresa.
Segundo informa a CNT o empresário Leonardo Amboage, que devia à trabalhadora e a outro trabalhador vários meses de salário, «terá que assumir o pagamento de aproximadamente 30000 euros por vulneração de direitos fundamentais e polas dívidas acumuladas».
A trabalhadora e trabalhador que reclamaron a extinção do contrato por incumprimento por parte do empresário, ao estar a trabalhar sem receber salário durante vários meses, foron despedidos como consequência dessa denúncia.

Médicos Sin Fronteras é demandada por discriminación

  • Captadora de socios demanda a Médicos Sin Fronteras por vulneración de dereitos fundamentais
  • Denuncia discriminación e fraude de lei na contratación
  • A empresa discrimina traballadora por razón de nacionalidade
  • Este tipo de condutas discriminatorias poderían implicar multas de até 187.515 euros.

MSF discrimina

Unha traballadora filiada ao sindicato CNT veñen de demandar a Médicos Sin Fronteras por vulneración de dereitos fundamentais.

A captadora de socios da ONG foi vítima da discriminación por parte da empresa por razóns de nacionalidade ao non facilitar a conversión do seu contrato temporal (en fraude) a indefinido.

Segundo fontes do sindicato CNT «a traballadora leva prestando servizos como captadora de socios en Médicos Sin Fronteras desde hai dous anos e foi inicialmente contratada de forma temporal en fraude de lei, visto que os seus servizos obedecen a necesidades constantes da empresa».

Habia unha vez Táboa Confixest

  • O sindicato CNT continúa a campaña contra a asesoría Táboa Confixest por impagamento de dévedas
  • Un segundo piquete é organizado ás portas da asesoría
  • A asesoría responde autodefiníndose como 'circo'

piquete em Táboa Confixest

Dentro da campaña desenvolvida pola CNT contra os empresarios Javier Rey e Javier Álvarez e contra a asesoría Táboa Confixest, un novo piquete saiu ás rúas onte para denunciar e informar os veciños e veciñas de compostela das súas práticas explotadoras.

Segundo informa o sindicato, a asesoría da central rúa do Hórreo compostelana «non aplicaba o convenio correspondente o cal implica unha déveda polas diferenzas salariais».

Alén diso, os empresarios obrigaban a realizar horas extra á traballadora filiada ao sindicato CNT «que non eran compensadas».

Por estes motivos, a CNT denunciou «a acumulación de unha déveda de 3000 euros» e iniciou a pasada semana accións sindicais «até que os empresarios salden a súa déveda».

Durante o piquete, a asesoría respondeu os argumentos da organización anarcosindical na língua universal, a música, colocando uns altifalantes coa canción «Habia una vez un circo». Para os organizadores do piquete «non existe mellor definición desta empresa, un circo que utiliza o fraude para encher as vidas dos empresarios de cor e ilusión, roubando o que pertence ás traballadoras».

Salientan os presentes que «frente a cor verde empresarial, estarán sempre a vermella e a negra anarcosindical».

Piquete da CNT en Táboa Confixest

A asesoría rexentada por D. Javier Rey e D. Javier Álvarez mantén un conflito co sindicato CNT pola débeda contraída cunha filiada.

piquete em Táboa Confixest

No pasado xoves, 18 de febreiro, un piquete da CNT concentrouse ante a Asesoría Táboa Confixest, con sede na céntrica rúa compostelana do Hórreo.

Durante o piquete, os veciños e veciñas compostelanas foron informadas das prácticas explotadoras dos empresarios, que se negan a pagar a débeda reclamada «relativa ás diferenzas salariais entre o convenio que tiña que ser de aplicación e o que aplicaba a asesoría».

Alén diso, segundo a organización anarcosindicalista, a empresa obrigaba á traballadora e realizar horas extra «acumulando unha débeda de 3000 euros».

Como xa avisou o sindicato recentemente, este é o inicio das accións sindicais contra a empresa denunciada e continuarán «até que os empresarios salden a súa débeda coa compañeira».

A CNT inicia conflito coa Asesoría Táboa Confixest SL

  • O sindicato CNT denuncia Táboa Confixest por débedas contraídas cunha traballadora
  • A asesoría non aplicaba o convenio correspondente e obrigaba a realizar horas extra sen compensación

A CNT ven de iniciar conflito coa Asesoría Táboa Confixest S.L. localizada na compostelana rua do Hórreo.

O conflito iníciase pola débeda que mantén a asesoria rexentada por D. Javier Rey e D. Javier Álvarez cunha traballadora filiada á CNT. Segundo afirma o sindicato, a débeda orixínase «fundamentalmente das diferenzas salariais entre o convenio que tiña que ser de aplicación e o que aplicaba a asesoría».

Con todo, o sindicato CNT salienta que aparte da reclamación de diferenzas de convenio, reclámanse «as horas extras que a empresa obrigaba a realizar á traballadora, polo cal estes explotadores acumulan unha débeda de máis de 3000 euros á nosa compañeira».

A dia de hoxe estes empresarios xa foron denunciados pola organización anarcosindicalista e adianta que «pronto comezarán a levar a cabo as accións oportunas» para conseguir os pagamentos pendentes.

Crónica da concentração pola liberdade dos titeriteiros

Liberdade sem cargos

Por volta de meio milhar de pessoas concentraram-se na passada quarta-feira, 10 de fevereiro, na praça do Pão em solidariedade com os titeriteiros detidos em Madrid.

Segundo a CNT, as pessoas detidas foram encarceradas por exercer o direito à liberdade de expressão artística, com a colaboração covarde do governo municipal de Madrid que, num exercício de equilibrismo impossível, tentou agradar a todo o mundo.

Concentración pola liberdade dos titeriteiros

10/02/2016 20:00

liberdade titeriteiros

Un novo proceso xudicial que deriva nun auto de prisión por motivos políticos ou de opinión, é iso ante o que nos atopamos e polo que nos manifestamos hoxe. A CNT quere convidar a todas as persoas que defenden a liberdade de expresión e de opinión a que amosen a súas solidariedade coas persoas detidas e nos acompañen na concentración que se levará a cabo o vindeiro mércores, dia 10, ás 20h na praza do Pan

A CNT Compostela quere manifestar todo o apoio e soliedariedade cos membros da compañía «Títeres desde abajo» na celebración do espectáculo de monicreques “La bruja y Don Cristobal”, pola súa detención baixo a acusación de “enaltecemento do terrorismo” en Madrid o pasado 5 de febreiro, nun dos casos máis vergoñentos dos últimos anos no que se refire á violación da liberdade de expresión.

CNT informa. Xaneiro 2016

 

Primeiros acordos con Médicos Sin Fronteras

Con data de 31 de Agosto de 2015, a nosa compañeira e delegada da sección sindical da CNT en Médicos Sin Fronteras veu reducida, de forma unilateral por parte da Organización, a súa xornada laboral e o seu salario nun 20%. Pouco despois, presentábase a impugnación desta reducción, demandando a restitución das condicións anteriores.

Esta semana, antes de entrar ao xuízo, chegouse a un acordo coa Organización polo cal a nosa compañeira recupera as súas condicións laborais.

Acordo no restaurante Sicilia in Bocca

acordo no siccilia in boccaA CNT ven de asinar un acordo para o seu afiliado no local de hostalería compostelana Sicilia in Bocca. Este beneficioso acordo para o traballador permítelle pasar de ter contrato por tempo determinado a un contrato indefinido, á ampliación de horas respecto as que facia actualmente, a que se lle respecten os horarios e dias libres e ao aumento proporcional da xornada de traballo de maneira prioritaria no caso de que aumente a carga de traballo no restaurante.