Compostela

O reintegracionismo de base estará novamente nas ruas de Compostela, participando na manifestaçom convocada pola Plataforma Queremos Galego, que sairá às 12hs da Alameda. O Bloco Laranja vai dar protagonismo à necessidade de que o galego ganhe peso no ensino, numha estratégia baseada na unidade da língua e no reforço que para o galego supom pertencermos a um espaço lingüístico de dimensom internacional.

Na mañá de hoxe, 14 de maio, e dentro do conflicto que CNT Compostela mantén coa alianza para o lucro empresarial Coremain-Vodafone polo acoso e despedimento da secretaria de organización da sección sindical de CNT en Coremain, compañeiras e compañeiros do sindicato concentrámonos ás portas da devandita empresa.

Dentro do conflicto aberto con Coremain e Vodafone polo despedimento ilegal da nosa compañeira, secretaria de organización da sección sindical de CNT en Coremain, do que estamos informando por diferentes medios á poboación de Compostela, o pasado sábado 11 de maio varias compañeiras e compañeiros de CNT Compostela concentrámonos diante do local de Vodafone no centro comercial As Cancelas.

O pasado 1.º de maio, CNT Compostela mobilizouse para participar nos actos que preparou xunto coa CUT, a Asemblea Aberta e as Asembleas Abertas de Estudantes.

En Ourense, o NC de CNT en Allariz participou na manifestación do 1º de Maio nun Bloque Crítico composto por sindicatos (CGT, CUT) e colectivos sociais (Adiante, AMI-CEIVAR, FOI, Stop Desahucios,…) á que acudiron unhas 200 persoas.

Ás 10.30 da mañá de onte, luns 29 de abril, e como anuncio da xornada do 1.º de maio en Compostela, un grupo de case 30 persoas de CNT Compostela, CUT, Asemblea Aberta e Asembleas Abertas de Estudantes ocupamos durante dúas horas o edificio da Confederación de Empresarios de Galicia.

Xa pola tarde, compañeiros de CNT percorrimos as rúas das zonas nova e vella nun pasarrúas anunciando os actos do 1.º de maio.

Onte, venres 26 de abril, CNT Compostela volveu a concentrarse ás portas do café-bar Stella, cuxo dono segue obcecado en non negociar a débeda que mantén coas súas antigas empregadas, as nosas compañeiras.

Este Primeiro de Maio, símbolo da dureza dos ataques que a clase traballadora temos padecido ao longo da história, pero tamén e por encima de todo da nosa resisténcia e da nosa luita pola nosa emancipación, da nosa capacidade de nos organizar e de transformar esta sociedade, chamamos a reforzar as resisténcias contra estas políticas, a afirmar a necesidade de nos organizar de maneira diferente e a construír desde a unidade dos traballadores e as traballadoras ferramentas de luita e un movemento obreiro forte, eficaz e contundente na defensa dos dereitos das clases traballadoras, e un movemento amplo, que integre na radicalidade da sua acción a todos os grupos e colectivos que desde o poder se queren silenciar e até enfrontar á clase traballadora. Desde a CNT de Compostela convocamos ao conxunto da clase obreira consciente aos actos que, xunto coa CUT, a Aemblea Aberta de Compostela e as Asembleas Abertas de Estudantes, temos preparados para este día.

En solidariedade coa sección sindical de CNT en Coremain, onte, mércores 24 de abril, compañeiras e compañeiros de CNT Compostela interrompimos, no Instituto Politécnico de Compostela, a Xornada para orientadores. Formación profesional: emprego en tempo de crise, na que participaba a xerente de recursos humanos de Coremain.

O pasado xoves, despois de ter sido sancionada arbitrariamente por Coremain e Vodafone, unha sanción inxusta que se atopa en vías de solución xudicial, Vodafone e Coremain despedían á Secretaria de Organización da Sección Sindical de CNT en Coremain, un feito que non é senón un máis dunha longa lista de situacións de acoso por parte da empresa aos compañeiros e as compañeiras que se atreven a desenvolver a súa lexítima acción sindical en Coremain.